Sangli Highschool and Junior College, Sangli

नवीन माहिती

News Icon
गरीब विद्यार्थ्यी सहाय्य योजनेमध्ये प्रतिवर्षी गरीब व होतकरु मुलांना मोफत गणवेश व वहया पुस्तके देण्याची व्यवस्था.

News Icon
'संस्कार विद्यावर्धिनी' अभियानातून, शिक्षकांच्या माध्यमातून प्रश्नांची उकल करणारा असा विद्यार्थी तयार करणे यासाठी हे संस्कार विद्यावर्धिनी अभियान.


एम्.सी.व्ही.सी. अभ्यासक्रम

नवीन शैक्षणिक वर्ष १९८६ च्या तरतुदीनुसार व कोठारी आयोगाच्या शिफारशीनुसार +२ स्तरावर व्यवसाय शिक्षणाची ओढ निर्माण व्हावी व जास्तीत जास्त विद्यार्थ्यांना व्यावसायिक प्रशिक्षण देऊन रोजगार व स्वयंरोजगार करण्यास प्रवृत्त करावे याच हेतूने महाराष्ट्रात ७० टक्के व्यवसाय शिक्षणाची व्याप्ती असलेले किमान कौशल्यावर आधारीत व्यवसाय अभ्यासक्रम सन १९८८-८९ पासून सुरु करण्यात आले. सध्या किमान कौशल्यावर आधारीत व्यवसाय अभ्यासक्रम या नावामध्ये बदल करुन एच.एस.सी. व्होकेशनल विभाग असे नाव देणेत आलेले आहे.
या विभागाकडे खालील अभ्यासक्रमांचा समावेश करण्यात आलेला आहे.
क्र. ट्रेड विद्यार्थी संख्या
1 अ‍ॅटो. इंजिनिअरींग टेक्निशिअन २०
2 बिल्डींग मेन्टेनन्स ४०
3 मेकॅनिकल टेक्नॉलॉजी ४०
4 इलेक्ट्रॉनिक्स टेक्नॉलॉजी २०
5 मेंटेनन्स अ‍ॅन्ड रिपेअर्स ऑफ इलेक्ट्रीक डोमेस्टीक अप्लायन्सेस २०
वरील पैकी कोणताही व्यवसाय अभ्यासक्रम पूर्ण केल्यानंतर डिप्लोमाच्या व्दितीय वर्षास थेट प्रवेश मिळू शकतो. वरील सर्व अभ्यासक्रमांना अप्रेंटिशिप योजना लागु आहे.

एम.सी.व्ही.सी. विविध उपक्रम

ऑन द जॉब ट्रेनिंग -
चालू शैक्षणिक वर्षापासून इयत्ता अकरावीच्या विद्यार्थ्यांला ऑगस्ट महिन्यापासूनच दररोज किमान दोन तास ऑन द जॉब ट्रेनिंगची योजना राबविण्यात आली आहे.
आस्थापना भेटी -
प्रात्यक्षिक शिक्षणाबरोबर विद्यार्थ्यांस संबंधित व्यवसायाची माहिती मिळण्यासाठी प्रत्येक महिन्याच्या दुसर्‍या व चौथ्या शनिवारी आस्थापना भेटीचे आयोजन केले जाते.
तज्ञ व्यक्तींचे मार्गदर्शन व व्याख्याने -
व्यावसायिक शिक्षण घेत असताना व्यवसाय भविष्यातील संभाव्य अडचणी व त्यावरील उपाय या संबंधी विद्यार्थ्यांना जागृतीसाठी वेळोवेळी तज्ञ प्रतिष्ठित व्यावसायिकांची व्याख्याने आयोजित केली जातात.
भरती मेळावा -
विविध व्यवसायातील आस्थापनाच्या प्रमुखांना बोलावून कॅम्पस इंटरव्ह्युची योजना राबविली जाते. गतवर्षी एल.जी., कंपनीमध्ये ३० विद्यार्थ्यांची अप्रेंटिन्सशीप साठी निवड झालेली आहे.
उत्पादनाभिमुख प्रशिक्षण योजना -
उत्पादनाभिमुख योजनेची प्रभावी व कार्यक्षमपणे अंमलबजावणी होण्यासाठी शासनाने ठरवून दिलेल्या विहित पध्दतीचा व मार्गदर्शक सुचनांप्रमाणे कार्यवाही केली जाते.
समन्वय व सल्लागार समिती -
एच.एस.सी. व्होकेशनल विभागातून दिले जाणारे शिक्षण हे जास्तीत जास्त सुसंगत व परिणामकारक व्हावे, विद्यार्थी रोजगार व स्वंयरोजगारास सक्षम व्हावा या उद्देशाने समन्वय व सल्लागार समितीची स्थापना केलेली आहे.
फॉलो अप रजिस्टर -
व्यावसायिक अभ्यासक्रमानंतर विद्यार्थ्यांचा व्यावसायिक विकास, प्रगति याची नोंद मागील तीन वर्षापासून घेतली जाते.
आधुनिक शिक्षण पध्दती -

काळाची गरज लक्षात घेवून विद्यार्थ्यांचा गुणात्मक व दर्जात्मक विकास होणेसाठी विद्यार्थ्यांना एल.सी.डी. व लॅपटॉपच्या माध्यमातून अभ्यासक्रम शिकविले जातात. अध्यापकांना अभ्यासक्रम सखोलपणे सक्षमरित्या विध्यार्थ्यांचा अष्टपैलू व्यक्तिमत्त्वाचा विकास डोळ्यासमोर ठेवून अध्यापनासाठी जास्तीत जास्त वेळ मिळावा यासाठी वेळेची बचत म्हणून संगणकीय हजेरीपत्रकचा वापर केला जातो. त्याच प्रमाणे सर्व परीक्षांचे संगणकीकृत निकाल विद्यार्थ्यांना दिले जातात.

गुणवत्तावाढ प्रशिक्षण कार्यक्रम -

व्यवसाय शिक्षण व प्रशिक्षण अधिकरी कार्यालय, सांगली व सांगली हायस्कुल ,सांगली यांच्या संयुक्त विद्यमाने सोमवार दि.११/०३/२०१३ रोजी सांगली हायस्कुलच्या हुतात्मा आण्णासाहेब पत्रावळे सभागृहामध्ये एच.एस.सी व्होकेशनल अभ्यासक्रमाकडील पुर्णवेळ शिक्षकांचा गुणवत्तावाढ प्रशिक्षण कार्यक्रम घेण्यात आला. कार्यक्रमाच्या प्रमुख पाहुण्या मा.अ‍ॅड.सौ.तेजस्विनी सुर्यवंशी यांनी शिक्षकांना मार्गदर्शन केले.यावेळी कार्यक्रमाचे अध्यक्ष म्हणुन लठ्ठे एज्युकेशन सोसायटी सांगलीचे खजिनदार मा.श्री.विजयकुमार सकळे उपस्थित होते.कार्यक्रमाचे स्वागत व प्रास्ताविक व्यवसाय शिक्षण व प्रशिक्षण अधिकरी मा.श्री.वाय.पी.पारगावकरसो यांनी केले तर मुख्याध्यापक श्री.विजय कोगनोळे यांनी पाहुण्यांचा परिचय करुन दिला. कार्यक्रमाचे आभारप्रदर्शन मा.श्री.मिलींद गुरवसो प्राचार्य.आय.टी.आय. कडेगाव यांनी केले. सुत्रसंचलन श्री.जे.एन.दरुरे यांनी केले. याप्रसंगी स्कुल कमिटी चेअरमन मा.अशोक पाटील, श्री.बाबगोंडा पाटील, एम.सी.व्ही.सी.विभागप्रमुख श्री.एम.जे.मुजावर व शिक्षकवर्ग मोठ्या संख्येने उपस्थित होते.

 

मा.श्री.सी.ए.निनाळे सह्संचालक व्यवसाय शिक्षक व प्रशिक्षण प्रादेशिक कार्यालय पुणे यांनी एम.सी.व्ही.सी विभागाला दिनांक ११/०३/२०१३ ते १४/०३/२०१३ रोजी भेट दिली असता ते म्ह्णाले "मी आतापर्यत भेट दिलेल्या सर्व संस्थेपेक्षा ही संस्था सर्वात चांगली आहे".